Електрометал Ве советува, кои се чекорите за поставување ламинат

Кога станува збор за ламинат, на сите ни е познато дека за пристојна цена добиваме изджливост и декоративен изглед воедно.  Достапен во различни стилови кои што се достојна имитација на природните материјали, ламинатот е одличен избор за подно решение. Доколку се одлучите да поставите ламинат во Вашиот дом, потребно е да се консултирате со експерт кој ќе Ви помогне да го одберете вистинскиот ламинат според Вашите специфични потреби. Некои од клучните предностите на ламинотот се:

*Економична цена

*Лесен за одржување

*Голем избор на дезени (налик на дрво, бетон, камен, завршен слој-мат,сјај,полусјај)

*Лесна и брза инсталација

Во неколку чекори,накратко ќе Ви го објасниме процесот на инсталирање на ламинат:

Чекор 1: Направете го вистинскиот избор

Ламинатот е совршен избор за семејства кои се постојано активни и за простории со поголема раздвиженост. Составен е од  4слоја, односно:

• Горен, површински слој кој обезбедува трајност и отпорност од дамки, удар, гребнатини.
• Принтен декоративен слој, кој дава конечен изглед и пружи неограничени можности при креирање на дезен.
• Благодарение на третиот, носечки слој кој е составен од густ медијапан, ламинатот ја добива потребната цврстина и густина.
• Последен, балансирачки слој чија улога е да ги заштити останатите слоеви од влага.

Чекор 2: Ослободете се од веќе постоечкиот под

Собата во којашто ќе го поставувате ламинатот мора да биде комплетно исчистена од претходниот под за да биде подготвена за новата инсталација. Предупредување: Отстранувањето на минатиот под знае да создаде многу отпад и смет, бидете подготвени.

Чекор 3: Проверка и подготовка на долниот дел на подот

Многу важен сегмент при инсталацијата на ламинатот е основниот под да се израмни, така што не би дошло до нерамно поставен ламинат.

Чекор 4: Местење на подлошка

Инсталацијата на подлошката над основниот под е доста корисно, бидејќи овозможува добра изолација, заштита од влага и рамна основа за поставување на следниот слој.

Чекор 5: Подготовка на ламинатот

Исто како и подлогата, ламинатот мора да помине период на аклиматизација во домот. Со оглед на тоа што е чуван на многу пониски темп. Од оние во Вашиот дом, на ламинатот му се потребни еден до два дена за да бидете сигурни дека е стабилен и нема да ја промени формата. Ламинатот кој нема го помине овој процес, со текот на времето има тенденција да се прошири и да врши притисок врз целата подна површина, предизвикувајќи долгорочни проблеми.

Чекор 6: Инсталација на ламинатот

За инсталација на модерните ламинати не е потребен чекан за да се постави правилно, всушност повеќето ламинати едноставно кликнуваат заедно. И покрај тоа што ламинатот е прилагоден на просторот каде се поставува, сепак може да се очекува одедено проширување. За да се земе предвид ова, се остава дополнителен простор околу рабовите на собата.